كيف يشتغل شهاب، خطوة بخطوة

الربط

1. اربط القناة

   من لوحة شهاب: «ربط ماسنجر» أو «ربط واتساب» أو «ربط إنستغرام». تسجل دخول بحساب فيسبوك اللي بيدير الصفحة، توافق على الصلاحيات، وتختار الصفحة أو الرقم. ما في كود يتنسخ ولا توكن يتبعت بالواتساب.

2. جرّب بنفسك

   بعد الربط، اللوحة تعطيك رابط ورمز QR ورسالة فيها كود تجربة. تبعتها من تلفونك وتشوف رد شهاب قدامك قبل ما يشوفه أي زبون.

3. حمّل المنيو

   إذا عندك نظام كاشير مربوط (مثلاً Unify) المنيو والأسعار تجي منه وتضل متزامنة. وإذا لأ، ترفع المنيو مرة واحدة وتعدّله من اللوحة.

4. سجّل مناطق التوصيل وأوقات الدوام

   اسم كل منطقة وأجرتها والفرع اللي بيخدمها، وأوقات دوام كل فرع. هاي البيانات هي اللي شهاب يجاوب منها، فما بيحتاج يخمّن.

كيف تمشي المحادثة

1. الزبون يكتب زي ما بحكي

   «لساتكم فاتحين؟»، «قديش التوصيل لبيتونيا؟»، «بدي وجبتين كرسبي ونص حار». ما في قوائم ولا أرقام يضغطها.

2. شهاب يجاوب من بياناتك

   السؤال عن سعر أو صنف أو منطقة أو وقت دوام: الجواب من منيوك وجداولك. كل سعر ومجموع وأجرة محسوبين بالكود، مش جاية من نص.

3. يكمّل الطلب

   يسأل عن الحجم والإضافات اللي الصنف بيسمح فيها، يتأكد من المنطقة والعنوان والرقم، يعرض المجموع، وياخد تأكيد الزبون.

4. الطلب يوصل للكاشير

   الطلب ينزل عند الفرع بالشكل اللي موظفيك متعودين عليه، وإذا الكاشير مربوط ينزل عليه مباشرة مع رقم مرجعي.

5. الزبون يتابع طلبه

   رابط يشوف منه حالة الطلب: وصل، تأكد، عم يتجهز، عالطريق. بدون ما يسأل «وين الطلبية؟» كل خمس دقايق.

وين يوقف شهاب ويحوّل

هاد الجزء الأهم، ومبني بالنظام مش بالنص: في حالات شهاب ممنوع يكمّل فيها لحاله.

• الزبون طلب يحكي مع موظف.
• شكوى عن طلبية أو عن جودة: يعتذر، يجمع التفاصيل، ويحوّل للجودة.
• منطقة ما إلها أجرة مسجلة: ما يعطي رقم من راسه.
• طلب خصم أو طلبية كبيرة أو سعر خاص: قرار إدارة، مش قرار بوت.
• سؤال عن حساسية أو مكوّنات ما إله جواب مؤكد.
• أي معلومة مش مسجلة عنده: «بتأكدلك» وتحويل، مش تخمين.

المحادثة توصل للموظف كاملة من أولها، فما بيحتاج الزبون يعيد كلامه ولا الموظف يقرا من جديد.

شو يشوف صاحب المطعم

• صندوق موحّد لكل القنوات، بالعربي، مع كل المحادثات وقت ما تصير.
• تدخّل بأي لحظة: تكتب إنت، أو توقف الرد الآلي على محادثة أو على القناة كلها.
• الطلبات وحالتها، وحالة الإرسال للكاشير.
• المنيو والأسعار والأصناف اللي خلصت، ومناطق التوصيل وأوقات الدوام.
• حالة كل قناة: واصلة رسائل؟ الصلاحيات تمام؟ آخر رد وشو صار فيه.
• تشغيل تدريجي: نسبة من المحادثات لشهاب والباقي لموظفيك.

قبل ما يشوف زبون أي رد

كل نسخة من شهاب تنعاد تجربتها على محادثات حقيقية من أرشيف صفحة المطعم نفسه: نفس أسئلة الزبائن القديمة، ونقارن رد شهاب برد الموظف اللي صار فعلاً، سؤال سؤال. هيك نعرف إذا النسخة الجديدة أحسن أو أسوأ على مطعمك إنت، مش على مطعم افتراضي.

أسئلة متكررة

• شهاب على واتساباستقبال الطلبات والرد على رقم واتساب المطعم.
• شهاب على ماسنجررسائل صفحة الفيسبوك.
• شهاب على إنستغرامالرسائل الخاصة على إنستغرام.
• صفحة الطلب أونلاينمنيو كامل على رابط خاص بمطعمك، بدون تطبيق.

بدك تشوفه على منيو مطعمك؟ ابعتلنا اسم المطعم ورابط صفحته.

support@shihab.co.uk