بيرد بلهجة الزبون
بيفهم الفلسطيني والإنجليزي والعربي بحروف لاتينية، وبيرد بنفس اللهجة.
شهابAI
موظف ذكي لمطعمك، بيرد على زبائنك وبيستلم الطلب
شهاب بيرد على رسائل مطعمك على واتساب وماسنجر وإنستغرام وشات الموقع، بنفس لهجة الزبون. بيجاوب عن المنيو والأسعار والتوصيل، وبيمشي بالطلب من أول رسالة لحد ما يوصل للكاشير.
الدجاج الملكيتجربة
متصل الآن · بيرد بثواني
مراحب يا هلا، معك تاج المساعد الذكي بالدجاج الملكي 🍗 شو حابب تطلب اليوم؟
مدعوم من شهاب AI
الدجاج الملكي
جرّب كيف شهاب بيجاوبك
عملاؤنا
مطاعم بتشتغل مع شهاب، وشهاب بيرد على زبائنها كل يوم على صفحاتها نفسها.
الدجاج الملكيبروست وكرسبي
مطبخ العمدةأكل بيتي
كرانشي تشكندجاج كرانشي
مونو بيتزابيتزا
ترافلمطعم وكافيه
شو بيعمل شهاب بالضبط
شهاب بيرد على أسئلة زبائنك من بيانات مطعمك، وبيكمّل الطلب لآخره.
بيعرف أصنافك وأسعارك
الأصناف والإضافات والتوصيل والدوام، والحساب بالكود مش تخمين.
بيستلم الطلب لآخره
بيحسب المجموع، بيتأكد من العنوان، وبيوصّل الطلب للكاشير.
بيحوّل لموظفك وقت اللزوم
شكوى أو سؤال صعب؟ بيروح لموظف مع المحادثة كاملة.
ما بيسكّر ولا بيتأخر
نفس سرعة الرد آخر الليل وبالضغط وبالعيد.
ما بيحكي من راسه
إذا ما عنده المعلومة، بيقول «بتأكدلك» وبيحوّل بدل ما يخترع.
على أي قناة
نفس الموظف الذكي على كل قناة، وبنفس المعرفة عن مطعمك. الربط بضغطة واحدة من لوحة شهاب: بتسجّل دخول بحساب فيسبوك اللي بيدير الصفحة، بتختار الصفحة، وخلص.
خطة لكل حجم مطعم
كل الخطط فيها نفس الميزات وبدون عمولة على الطلبات، والفرق بينها بس بالرصيد الشهري: كل محادثة مع زبون بـ3 رصيد، مهما كان فيها رسائل. وكلها بتبلّش بأسبوع مجاني، وبتغيّر الخطة أو بتلغيها بأي وقت.
أسبوع مجاناً أو 1,000 رصيد، أيهما أول، وكل الميزات مفتوحة خلال التجربة
أساسي
₪300شهرياً
2,500 رصيد بالشهر
لمطعم بيبلّش مع شهاب، أو رسائله مش كثير.
ابدأ أسبوعك المجاني- واتساب وماسنجر وإنستغرام
- شات على موقعك وصفحة طلب أونلاين
- مكالمات صوتية (تجريبي)
- فروع بدون حد، ومنيو لكل فرع
- لوحة تحكم بالعربي، وتحويل المحادثة لموظفيك
- تشغيل بالنسبة على كل قناة
- تطبيق للموظفين بإشعار لكل طلب
- تجهيز ذكي: بتصوّر المنيو وشهاب بيرتّبه
الأكثر طلباً
احترافي
₪500شهرياً
5,000 رصيد بالشهر
لمطعم مشغول، رسائله وطلباته كثير كل يوم.
ابدأ أسبوعك المجاني- واتساب وماسنجر وإنستغرام
- شات على موقعك وصفحة طلب أونلاين
- مكالمات صوتية (تجريبي)
- فروع بدون حد، ومنيو لكل فرع
- لوحة تحكم بالعربي، وتحويل المحادثة لموظفيك
- تشغيل بالنسبة على كل قناة
- تطبيق للموظفين بإشعار لكل طلب
- تجهيز ذكي: بتصوّر المنيو وشهاب بيرتّبه
أعمال
₪900شهرياً
10,000 رصيد بالشهر
للسلاسل والمطاعم اللي عليها ضغط كبير، مع أولوية بالتجهيز والدعم.
ابدأ أسبوعك المجاني- واتساب وماسنجر وإنستغرام
- شات على موقعك وصفحة طلب أونلاين
- مكالمات صوتية (تجريبي)
- فروع بدون حد، ومنيو لكل فرع
- لوحة تحكم بالعربي، وتحويل المحادثة لموظفيك
- تشغيل بالنسبة على كل قناة
- تطبيق للموظفين بإشعار لكل طلب
- تجهيز ذكي: بتصوّر المنيو وشهاب بيرتّبه
بدك رصيد أكثر؟ 1,000 رصيد بـ₪150 · 3,000 رصيد بـ₪400 · 10,000 رصيد بـ₪1,200
بتدفعه مرة وحدة، بيضل صالح 12 شهر، وبينصرف بعد رصيد الشهر.
بنقبل
الدفع آمن عبر Stripe بتلغي أو بتغيّر الخطة بأي وقت
كل محادثة مع زبون حقيقي بيرد عليها شهاب بتاخد 3 رصيد، على أي قناة. المحادثة بتنحسب مرة كل 24 ساعة من أول رد لشهاب فيها، وكل الردود والرسائل الصوتية والصور خلال هاي الـ24 ساعة داخلة فيها. المكالمات الصوتية 5 رصيد بالدقيقة، محسوبة بالثانية، وكل رسالة بتبعتها للمساعد باللوحة أو بالتطبيق 2 رصيد. رسائل الزبائن وردود موظفيك وتجاربك باللوحة والتطبيق ما بتنحسب. رصيد الشهر بيتجدد كل شهر، واللي ما بتصرفه ما بينتقل للشهر اللي بعده.
عندك سؤال عن الخطط؟ تواصل معنا على واتساب
الأسعار بالشيكل، وبتنضاف عليها الضريبة بس إذا القانون بيطلبها.
أسئلة متكررة
هل بدي أغيّر رقمي أو صفحتي؟
لأ. نفس صفحة الفيسبوك ونفس حساب الإنستغرام. بالواتساب في خيارين: رقم جديد، أو نفس رقمك اللي على تطبيق واتساب للأعمال وبيضل شغال على التلفون.
شو بيصير إذا شهاب ما عرف الجواب؟
ما بيخمّن. بيقول إنه بيتأكد وبيحوّل المحادثة لموظف مع كل التفاصيل، والموظف بيكمّل من نفس الصندوق بدون ما الزبون يعيد كلامه.
مين بيحدّد الأسعار وأجرة التوصيل؟
إنت. الأسعار والأحجام والإضافات وأجرة كل منطقة من بيانات مطعمك، والمجموع محسوب بالكود. شهاب ما بيقدر يعطي خصم أو يغيّر سعر.
هل بقدر أشوف المحادثات وأتدخل؟
آه. في لوحة بالعربي فيها كل المحادثات لحظة بلحظة، بتقدر تتدخل بأي وقت، بتوقّف الرد الآلي على محادثة أو على القناة كلها، وبتشوف الطلبات وحالتها.
هل بقدر أجرّبه على نسبة من الرسائل بس؟
آه. بتقدر تخلي نسبة من المحادثات تروح لشهاب والباقي يضل مع موظفيك زي ما هو، وبتزيد النسبة لما تطمّن.
بأي لغات بيحكي؟
العربي العامي (الفلسطيني والشامي) هو الأساس، وبيرد بالإنجليزي للزبون اللي بيكتب إنجليزي، وبيفهم العربي المكتوب بحروف لاتينية.
أي خطة بتناسبني؟
كل الميزات بكل الخطط، فالفرق بس بكمية المحادثات. كل محادثة مع زبون بيرد عليها شهاب بتاخد 3 رصيد مهما كان فيها ردود، فرصيد الأساسي، 2,500 بالشهر، بيكفي لحد 833 محادثة، والمساعد والمكالمات وباقي الأدوات بينحسبوا من نفس الرصيد. الاحترافي فيه ضعفه، والأعمال أربع أضعافه. ومش لازم تقرر هلأ: بالتجربة بتعرف قديش بتحتاج، وبتغيّر الخطة بأي وقت.
شو هو الرصيد، وشو اللي بينحسب؟
كل محادثة مع زبون حقيقي على واتساب أو ماسنجر أو إنستغرام أو شات الموقع أو صفحة الطلب بيرد عليها شهاب بتاخد 3 رصيد. المحادثة بتنحسب مرة كل 24 ساعة من أول رد لشهاب فيها، وكل اللي جواها داخل: كل الردود، ورسائل الزبون الصوتية، والصور اللي بيقراها شهاب، وفحص الجودة التلقائي. وبعد الـ24 ساعة، الرد الجاي بيبلّش محادثة جديدة. المكالمات الصوتية 5 رصيد بالدقيقة، محسوبة بالثانية. كل رسالة بتبعتها إنت أو موظفينك للمساعد باللوحة أو بالتطبيق، مكتوبة أو بالصوت، 2 رصيد، والموافقة على تعديل بيقترحه أو رفضه ببلاش. «تعلّم من هذه المحادثة» رصيد واحد. بحث الترندات 10 رصيد، وقراءة المنيو من صورة أو PDF أو رابط 10، وتصميم بوستر للمنيو 10، والتعلّم من محادثاتك القديمة 10، وقراءة منيو اليوم من بوست الفيسبوك رصيد واحد لكل بوست بينطبق. وخلال التجربة، قراءة المنيو والتعلّم من محادثاتك القديمة ببلاش. اللي ما بينحسب أبداً: رسائل الزبائن نفسها، وردود موظفيك، وتجاربك باللوحة والتطبيق، والشات التجريبي على موقعنا.
شو بيصير لما يخلص الرصيد؟
شهاب بيوقّف الرد، والمحادثات بتضل توصل على اللوحة وموظفيك بيردوا عليها زي العادة، فما في إشي بيضيع. بتشتري رصيد زيادة أو بترفع خطتك أو بتستنى الشهر الجاي، وشهاب بيرجع يرد. وقبل ما يخلص بنبعتلك تنبيه لما تصرف 80% من رصيدك، وتنبيه تاني عند 90%.
بقدر أشتري رصيد زيادة؟
آه، من اللوحة بأي وقت وإنت مشترك: 1,000 رصيد بـ150 شيكل، أو 3,000 رصيد بـ400 شيكل، أو 10,000 رصيد بـ1,200 شيكل. بتدفعه مرة وحدة، بيضل صالح 12 شهر، وبينصرف بس بعد ما يخلص رصيد الشهر. أما رصيد الشهر فبيتجدد كل شهر، واللي ما بتصرفه منه ما بينتقل للشهر اللي بعده.
كيف بتشتغل التجربة المجانية؟
بتسجّل مطعمك وبتبلّش فوراً. التجربة أسبوع كامل أو 1,000 رصيد، يعني تقريباً 333 محادثة، أيهما بيخلص أول، وكل الميزات مفتوحة فيها. والتجهيز ببلاش: قراءة المنيو والتعلّم من محادثاتك القديمة ما بينحسبوا من رصيد التجربة. ما بتدفع إشي خلال التجربة، وما بنطلب منك بطاقة لتبلّش.
جرّبه على مطعمك
عم نفتح لمطاعم جديدة بنابلس ورام الله والمدن المجاورة. ابعتلنا اسم المطعم ورابط صفحته وبنرجعلك.