المنيو كما هو عندك
الأقسام والأصناف والأحجام والإضافات والأسعار بالشيكل، مع صور الأصناف. الصفحة تجي من نفس بيانات المطعم اللي شهاب يجاوب منها.
صفحة طلب أونلاين خاصة بمطعمك
رابط واحد تحطه على صفحتك وبالبايو: الزبون يشوف المنيو كامل، يختار، ويثبّت الطلب من المتصفح. بدون تطبيق وبدون حساب.
شو فيها
توصيل أو استلام
الزبون يختار منطقته من جدول مناطقك فتظهر الأجرة، أو يختار فرع للاستلام. ما في مفاجآت بالحساب.
أوقات الدوام الحقيقية
الصفحة تعرف إذا الفرع فاتح هلأ، وتقول «مسكّر» بدل ما تاخد طلب ما حد رح يجهزه.
سلة وحساب واضح
المجموع وأجرة التوصيل والحد الأدنى إذا موجود، كلها محسوبة بالكود وظاهرة قبل التأكيد.
سؤال؟ شهاب على نفس الصفحة
زر «اسأل شهاب» بيفتح شات على نفس الصفحة، للزبون اللي بدّه يسأل قبل ما يطلب.
متابعة الطلب
رابط حالة الطلب للزبون، وأرقام الفروع ظاهرة لو بدّه يتصل.
ليش مش تطبيق توصيل
تطبيقات التوصيل بتجيب زبائن، وبتاخد عمولة على كل طلب وبتملك العلاقة مع الزبون. صفحة الطلب رابط خاص بمطعمك: الطلب بيجي مباشرة، الأسعار أسعارك، والزبون زبونك. الاثنين بيشتغلوا مع بعض، بس مش نفس الإشي.
سريعة على التلفون
أغلب الزبائن بفتحوا من التلفون وعلى شبكة مش دايماً قوية. الصفحة مبنية لهاد: تظهر بالعربي من أول لحظة، المنيو موجود بالصفحة نفسها مش بانتظار تحميل، والصور بأحجام مناسبة للتلفون.
أسئلة متكررة
هل الزبون بحتاج يسجل حساب؟
لا. اسم ورقم جوال وعنوان، وخلص. والمعلومات تنحفظ على جهازه هو لو بدّه يطلب كمان مرة.
كيف بدفع الزبون؟
كاش عند الاستلام أو عند التوصيل. طرق الدفع اللي مطعمك بيقبلها هي اللي تظهر، مش أكثر.
هل المنيو لازم أعدّله بمكان ثاني كمان؟
لا. نفس المنيو اللي شهاب يجاوب منه. وإذا الكاشير مربوط، التعديل من الكاشير وينعكس على الصفحة.
هل في رابط خاص لكل فرع؟
الصفحة وحدة للمطعم، والفروع فيها: الزبون يختار منطقته فالطلب يروح للفرع اللي بيخدمها، أو يختار فرع للاستلام.
- كيف يشتغل شهابمن الربط لحد وصول الطلب للكاشير.
- شهاب على واتسابنفس المنيو على رقم الواتساب.
- شهاب على ماسنجرنفس المنيو على رسائل الصفحة.
بدك صفحة طلب لمطعمك؟ ابعتلنا اسم المطعم ورابط صفحته.